martes, noviembre 25, 2014

Kaixo! Gaurkoan, domekan egindako irteeraren berri emango dizuegu!

Domekan Gernikara joan ginen Argizaiko partaide guztiak(tira guzti-guztiak ez, baina bakan batzuk sikieran bai) lehen “neguko irteera” izenaz ezagutzen genuenera. Aurten negukoa baino, udazkenekoa dela esango dugu. Baina benetan garrantzitsuena ez da hori, baizik eta adar guztiak batzeko abagunea izan genuela, gurasoak barne. Egunaren egitaraua, honakoa izan zen:

Galdakaon trena hartzea ohiko kaosagaz lagunduta: umeak oihuka, baimenak galduta, Barikak hegan… XD

Gernikara heltzea: niiii nooo niiii noooo niiii nooooooo…! - Tenemos un 3-14, pare bat begirale trakets zaurituak izan dira tren geltokitik ateratzean!

Bakearen Museoa
Museora heltzea(lehenik Euskal Herria Museora hurreratu ginen, eta eskaut on orok bezala, hori ez zela konprobatu ostean, Bakearen Museora joan ginen.)
Taldeak egin eta txandaka museoa bisitatu genuen. Tarte hori, otoitzaren atal batzuk prestatzeko era aprobetxatu genituen.

Museotik ateratzean, Oinarinak Azkarrekin batera "Emakumeenganako Indarkeriaren Aurkako Nazioarteko Eguna" dela eta, haizerrotak banatu zituzten komertzioetan, “Putz egin, indarkeria sexista aireak eroan dezan!” lelopean.
Jarraian elizara joan, eta Roberto geure kontsiliarioaren laguntzaz otoitza izan genuen bazkal aurretik. Gero tren geltokiaren ondoan kokatutako plaza batera hurbildu ginen eta han bazkaldu genuen. Postre orduan, “Postre Eskauten I. Nazioarteko Txapelketa” ospatu genuen, eta izugarrizko arrakasta izan zuen. Izan ere, maila harrigarria izan zuten parte hartzaile guztiek. Hain ziren gozoak prestatutako gozoak, ezen lekuko batzuen arabera, epaimahaiko kideek bapo-bapo dena dastatu ostean lo-kuluxka botatzen ikusi baitzituzten.
Bazkaldutako guztia erretzeko asmoz, gynkana erraldoia antolatu zuten begiraleek eta kriston barreak eta algarak entzun ziren jolasak iraun bitartean. Egunari amaiera emateko, Agur Eskauta egin eta trenerantz abiatu ginen.

- Honek 20€-ko biletea zeukan postrearen ondoan...


Hona hemen egun horretako beste argazki batzuk:

Adi adi museoa bisitatzen






Haizerrotak Gernikako izozkitegi batean
                                       




Concentración. Nivel: Supersayan legendario

Eutsi goiari!



Gynkanan nor bere izena zeinu hizkuntza adierazten ikasteko aukera ere izan genuen!
video


Informazio, argazki eta bideo gehiago honako esteka klikatuz: https://www.facebook.com/groups/gureargi/?fref=ts 



Ia noiz daukagun berriro batzeko eta horrelako egunpasa egiteko hurrengo aukera! 

martes, noviembre 18, 2014


Aurtengo ikasturtean, aurreko ikasturtean erdizka utzitako lanari berriro ekin diogu. Izan ere, eskaut legeetako batek esaten duen bezala “Eskaut batek ez du inoiz ezer bukatu gabe uzten”. 






Ondorioz, lege honi jarraiki, jada badira hiruzpalau aste Olabarrietako elizak itxita zuen lokal batean lanean hasi ginela. Lokalak urteak zeramatzan itxita eta inolako mantenu gabe, eta beraz, argazkietan hauteman daitekeen moduan, egoera nahiko kaskarrean dago. Oinarinen helburua, lokal hau berriztatzea da. Oraindik ez dakigu zein neurritan egin ahal izango duten, baina gauzak ondo badoaz, agian etorkizunean Argizai Eskaut Taldeak lokal hau erabiltzeko aukera izango du.

 

Txantxa eta kaikukeriak egiteko abagunea ere izan genuen noski… Eta bestela botaiezu begirada bat argazkei!
Oin 2.0



Fotogénico total...

Aurrerakuntzak egin ahala, blogaren, Twitterren eta Facebooken bitartez informatzen jarraituko dugu. Bide batez, laguntzeko prest dagoen edonori geurekin kontaktuan jartzeko gonbitea luzatzen diogu. Ez al da “Beti Prest!” geure leloa?!?!



Hau bete beharko dugu...






martes, noviembre 04, 2014

Azaroak 2, ingurumen boluntariotza Muskizen.

Pasa den domeka honetan, Azaroaren 2an, Argizaiko Azkarrak eta Trebeak, haien begiraleekin batera, Muskizera abiatu ziren EEB-tik (Euskalerriko Eskautak Bizkaia) antolatuko zen ingurumen boluntariotzako ekintzan parte hartzera. Hainbeste talde batu ziren naturaren aldeko ekintza honetan, ezen lan egiteko zonaldea zabaldu behar izan zen eta eskaut taldeak multzotan banatu. Hau horrela, Argizairi Eskubeltz, Lurgazte eta Amalurrekin lan egitea egokitu zitzaion.

Ekintzaren helburuak - Objetivos de la actividad

·         Proporcionar a Azkarrak, Trebeak y Monitorado una actividad concreta de servicio concreto en el ámbito medioambiental./ Azkarrak, Trebeak eta begiraleentzako ingurumenarekin zerikusia duen ekintza zehatza antolatu.

·         Conocer la problemática específica de la Zona Minera de Bizkaia en la actualidad y su pasado./ Bai gauregungo bai iraganean Bizkaiko Meatzaldeak izandako arazoak ezagutu.

·         Sensibilizar acerca del deterioro mediambiental./ Ingurumenaren suntsiketaren inguruan kontzientziatu.

·         Trabajar la Ley “Construye un mundo mejor” de manera activa, haciéndonos presentes en nuestro entorno./ “Mundu hobea eraikitzea” legea landu konkretuki.

·         Fomentar el trabajo en red con otras asociaciones que trabajan en el entorno medioambiental./Ingurumena lantzen duten erakundeekin sare lana indartu.

·         Bonificar y limpiar la zona Itsaslur./ Itsaslur gunea garbitu eta txukundu.


Aldez aurretiko lanean edo beste era batera esanda, kokatze lan horretan sakontzeko honako webgunera jo ezazue:
http://bizkaia.eskaut.org/2014/10/10/2024/ (orriaren goiko eskuineko aldean hizkuntza hautatzeko aukera dago)

Egunari dagokionez, lehenik eta behin azpimarratu behar dugu geure zabor bilketa lanean, zinez harrituta geratu ginela; izan ere, denetatik topatu genuen: abatz-estalkiak (tapacubos), kondoiak, mukizapiak, altzari zatiak… Imajina daitekeen ia edozer gauza!!!
Behin lana bukatuta, zorionez bazkalordua ailegatu zen. Ogitartekoa jan eta arrats partean, Herrialdeko Azkarrak batu ziren, .Tras haber comido, los Azkarrak de Herrialdea se juntaron para hablar sobre lo que trabajarán durante el curso, es decir, la vida de San Francisco de Asis. Los monitores les explicaron que el trabajo se dividiría en cuatro temas: la naturaleza, la pobreza, la paz y Jesús.  Tras esta explicación, propusieron a los Azkarrak que pensaran y escribieran en una cartulina cómo les gustaría trabajarlas.
Arratsaldeko ekintzarekin bukatzeko, Kilimusiko eta Argizaiko Trebeak I eta Trebeak III batzuek Asiseko San Frantziscoren bizitza jorratu zuteneko testigantza eman zuten. Azkarrek arreta osoz entzun zuten, eta poz handiz entzun zuten jakin bazekitena: prozesuaren amaieran, hots, udan Asis-era egingo zuten bidaia.

Egunari amaierako emateko, bildu ziren talde guztiek Agur Eskauta egin eta bakoitza bere herrirantz abiatu ziren.

A ze parea, karakola eta barea!







Azaroaren 25 eta 26an aurtengo 15 eta 18 urte bitarteko Bilboko elizbarrutiko gazteen eta Bilboko gotzainaren arteko topaketa izan da: Gazteliza. Argizairen kasuan, Azkarrak adarra joan da, hau da, XXXX urte bitarteko gazteak.



Aurten, 15km inguruko bidea denok batera egitea izan da elkarrekin egoteko aitzakia. Bidea, Portugaletetik Muskizera zen. Lehendabizi, 7,5km egin genituen “Las Carreras-era” ailegatu arte. Han atseden hartzeko abagunea, eta baita elkar ezagutzeko aukera ere izan genuen. Ezagutzeko, jada “mitikoak” diren jolasetan aritu ginen: txanpiñoia eta pistoleroa. Ondoren, beste ekintza txiki bat egin genuen. Honetan, zoriontsuak ginen ala ez, zerk pozten gintuen eta antzeko galderak erantzun behar ziren, eta ostean ezezaguna zen norbaitekin elkarbanatu. Ekintza hau, nahiz eta agian zertxobait kostatu, oso aberasgarria izan zen. Azkenik berriro ere bideari ekin aurretik, “Zaldiak eta zaldunak” jolasera jolastu ginen. Atsedenaldiaren ostean berriro ibiltzeari ekin genion, Muskizera arrastiko 17:30ak aldera iritsiz.

Begirale batzuek gorriak ikusi omen zituzten ibilaldian zehar...

Egindako kilometro pilaren ondorioz dutxa baten beharra genuen eta Muskizera ailegatu bezain pronto hartu genuen. Jarraian, hainbat pertsonek fedea, bizitzako zenbait arlotan nola bizi zuten entzuteko aukera izan genuen. Horrez gain, Mario Izetaren hitzaldia entzuteko aukera ere izan genuen. Egunari amaiera emateko afaldu eta rap kristauaz eta txiki diskoaz gozatzeko aukera izan genuen.

Domekan jaiki eta otoitza ospatu genuen. Ondoren, talde txikitan banatu ginen eta aurreko eguneko testigantzen inguruan aritu ginen, norberak fedea nola bizi zuen azalduz eta horren inguruan hausnartuz. Gogoeta hau, poztasunaren eta zoriontasunaren kontuekin ere lotu genuen. Azkenik, talde txikietan jorratutako besteei azaltzeko, plastilinaren bidez figurak sortu genituen, eta beste taldeen aurrean horiek zer adierazten zuten azaldu genuen.
Gaztelizari amaiera emateko, Eukaristia ospatu zen, baina Argizaiko Azkarrek tamalez lehenago alde egin behar izan zuten garraiobideen ordutegia zela eta.


Espero dezagun datorren urteko Gazteliza aurtengoa legez mundiala izatea!!!






domingo, noviembre 02, 2014

Kaixo! Argizai Eskaut Taldeak ikasturte honetan Koskorrak I izeneko adarra edo taldea sortzeko asmoa du. 2006. urtean jaiotako umeez osatutako taldea izango litzateke, eta azaroaren 15era arte dago izena emateko epea zabalik.
Argizai Eskaut Taldeak zer egiten duen, nortzuk osatzen duten eta abarren berri izateko, nahi izanez gero, honako telefono zenbakira dei dezakezue: 630560845 (Asier).


¡Hola! Argizai Eskaut Taldea tiene intención de crear la rama o grupo Koskorrak I este curso. Estaría formado por niñxs nacidos en el 2006 y el plazo para inscribirse está abierto hasta el 15 de noviembre.
Para saber qué es lo que Argizai Eskaut Taldea hace, quienes lo componen, etc, podéis llamar al siguiente número de teléfono: 630560845 (Asier).